ឯកសារនេះផ្ទុកនៅ ផ្ទាំងរូបភាព កាតផ្សេងៗដែលមានដែលត្រូវប្រើមុន អំឡុងពេល និងក្រោយកម្មវិធីថ្ងៃអាហារូបត្ថម្ភតាមសាលា រួមទាំង៖ ផ្ទាំងរូបភាពអំពីកម្មវិធី បដាអំពីកម្មវិធី កាតអញ្ជើញចូលរួម សន្លឹកសកម្មភាព កាត FreshyCutie Bingo កាតអំពីរអាហារមិនល្អ ផ្ទាំងអាហារសុខភាពល្អ /មិនល្អ អាហារ  Take-Home Healthy Meal "Hanger"  សម្រាប់អ្នកថែទាំ ស្ទីគ័រ FreshyCutie ផ្ទាំងរូបភាពអំពីការតាមដានអាហារសម្រន់ក្នុងថ្នាក់រៀន ប័ណ្ណប្រកាសអ្នកលក់ គំរូរបាយការណ៍កម្មវិធី។

ឯកសារនេះផ្តល់ការណែនាំអំពីរបៀបអនុវត្តកម្មវិធីទិវាអាហារូបត្ថម្ភតាមសាលាបឋមសិក្សា។ "ដំណើរផ្សងព្រេងក្នុងអាណាចក្រអាហារ" ជាកម្មវិធីមានរយៈពេលកន្លះថ្ងៃ ដែលជាផ្នែកមួយនៃយុទ្ធនាការផ្លាស់ប្តូរឥរិយាបថអាហារូបត្ថម្ភ រួមមានសកម្មភាពអប់រំ កាយសម្បទា និងការច្នៃប្រឌិតជាច្រើន ដែលមានបំណងលើកកម្ពស់របបអាហារដែលមានសុខភាពល្អក្នុងចំណោមកុមារ និងអ្នកថែទាំរបស់ពួកគេ។ ឯកសារណែនាំរួមមានព័ត៌មានដើម្បីជួយរៀបចំផែនការ អនុវត្ត និងតាមដានបន្ទាប់ពីព្រឹត្តិការណ៍ទិវាអាហារូបត្ថម្ភរបស់សាលា រួមទាំងសម្ភារៈផ្សេងៗដែលត្រូវការសម្រាប់កម្មវិធី និងរបៀបណែនាំសម្រាប់សម្របសម្រួលសកម្មភាពកម្សាន្ត និងអប់រំជាច្រើនជាមួយអ្នកចូលរួម។ សម្ភារៈទាំងនោះ អាច《ភ្ជាប់ពីទីនេះ》
 

“សៀវភៅណែនាំការចម្អិនអាហារសម្រាប់ចុងភៅសាលារៀន” នេះអភិវឌ្ឍឡើង ដើម្បីធ្វើជាមគ្គុទ្ទេសក៏សម្រាប់អ្នកចម្អិនអាហារ នាយឃ្លាំងនៅតាមគ្រឹះស្ថានសិក្សា ពិសេសក្នុងកម្មវិធីអាហារតាមសាលារៀនដោយប្រើប្រាស់កសិផលក្នុងសហគមន៍ និងអ្នកពាក់ព័ន្ធផ្សេងទៀត បានសិក្សាស្វែងយល់និងយកទៅអនុវត្ត ប្រកបដោយភាពបត់បែន ភាពច្នៃប្រឌិត ប្រកបដោយសុវត្ថិភាព និងសុខភាព។ ខ្លឹមសារនៃសៀវភៅនេះចែកចេញជា៣ជំពូកនិង១៨ប្រធានបទសំខាន់ៗ ដែលទាក់ទងនឹងចំណេះដឹងមូលដ្ឋានស្តីពីអាហារូបត្ថម្ភ ការលូតលាស់ សុវត្ថិភាពចំណីអាហារ របៀបចម្អិនអាហារ និងគន្លឹះក្នុងការរក្សានូវសារធាតុចិញ្ចឹមពីអាហារក្នុងដំណើរការចម្អិន។

អនុក្រឹត្យស្តីពីការអនុវត្តកម្មវិធីផ្តល់អាហារតាមសាលារៀន មានគោលបំណងកំណត់ អំពីរការអនុវត្តកម្មវីធីផ្តល់អាហារតាមសាលារៀនដោយប្រើប្រាស់កសិផលក្នុងសហគមន៍ ក្នុងក្របខណ្ឌគោលនយោបាយជាតិគាំពារសង្គម។

បញ្ជីសំណួរពិនិត្យតាមដានកម្មវិធីស្បៀងអាហារប្រើកសិផលសហគមន៍ សម្រាប់មន្រ្តីថ្នាក់ស្រុក ខេត្ត ដែលទទួលបន្ទុកក្នុងការតាមដាន ប្រើប្រាស់ក្នុងកំឡុងពេលចុះត្រួតពិនិត្យ ការអនុវត្តកម្មវិធីរបស់សាលាគោលដៅនីមួយៗ។

ក្នុងឯកសារនេះមានទម្រង់ដែលសាលារៀនត្រូវប្រើប្រចាំថ្ងៃសម្រាប់អនុវត្តកម្មវិធីអាហារតាមសាលារៀនអោយបានត្រឹមត្រូវ។​ ក្នុងនោះមាន  បង្កាន់ដៃទទួលទំនិញ បណ្ណបញ្ចេញស្បៀង ទម្រង់កំណត់ត្រាការចូលរួមរបស់សហគមន៍ និង​ សំណើរសុំទូទាត់ប្រចាំខែ។ វាក៏មានប្រាប់ពីតារាងកាលវិភាគដែលសាលារៀនត្រូវរៀបចំរាយការណ៍ត្រីមាសនីមួយៗ។

ផ្ទាំងផ្សព្វផ្សាយ “គន្លឹះសំខាន់ៗអំពីការថែទាំ និងគ្រប់គ្រងឃ្លាំងស្បៀង” គឺជាឧបករណ៍ជំនួយក្នុងការយល់ដឹងពីរបៀបគ្រប់គ្រងស្បៀងរួមមានអង្ករ បន្លែ ត្រីសាច់។ល។ ឲ្យមានគុណភាព អនាម័យនិងសុវត្ថិភាពសម្រាប់ការប្រើប្រាស់ក្នុងផ្ទះបាយសាលារៀន។ វាមានសារៈសំខាន់ដែលអ្នកដែលនាយឃ្លាំង និងចុងភៅត្រូវយល់ដឹងនិងអនុវត្តតាមគន្លឹះសំខាន់ៗដែលបានណែនាំ ដោយមានការត្រួតពិនិត្យពីលោកនាយក និងនាយិកសាលារៀនផងដែរ។